Ghazal: aabaad joh dil ko rakhe…

tha ussi ka gham yahan aabaad jo dil ko rakhe,
uski par maujoodgii naashaad jo dil ko rakhe,

hai faqat ye aarzuu ke aarzu poori na ho,
phir bhala kya cheez ho barbaad jo dil ko rakhe,

apne mann ko tum ne toh mujh se faqat upar rakha,
be-gharaz the ham hi tere baad jo dil ko rakhe,

iss qafas se daur me kya fursat-e-aawaargii,
ham hi hai shauqeen bas aazaad jo dil ko rakhe,