Ghazal: sharminda baarha hone…

Taras gaye qafas-e-lab se yun rihaa hoone,
na raazdaan mile lafzon ko aashna hoone,

tabeeb e dil chale pahlu bacha kar ke dar se,
ke haath gham hi bacha gooya ab dawaa hoone,

ilaaj ho mere iss dil ki be-hisii ka kuch ,
ussi ke dar hue sharminda baarha hoone,

taveel umr lagi zindagi sajaane me,
khaayal-e-zist ko lamha laga sazaa hoone,

hai ek  arse se toofaan-e-ranj ka zorr yahan,
jalaayi charaag e tamanna magar bujhaa hone,