Hai nahi koii bhi khwaish dil me baaqi ab rahi,

Hai qaraar e dil magar ko be qaraari ab rahi, 

Hai bayaan e sarkashi isko sukhan toh mat kaho

Kaghazon par dard ke bas khoon baazi ab rahi, 

Kya sitam hai neend se be daar mujh ko kar diya

tere agle khaab tak ye yaad gaari ab rahi, 

Kaise tujh ko dard dikhta hai nahi khat me mere

Hun qalam ghista lahuu se ye siyaahii ab rahi, 

yaad aata hi nahi hai yaad karne par bhi tu

phir bhi har pal jaana teri yaad gaari ab rahi, 

halaten joh kuch thi mumkin saari guzri dil pe hai

sab hua par baaqi dil ki chaarzsaazi ab rahi,

Dard ho jab dil me toh kyu dard na ussko kahen

Sab hi ko khush fehm jeene ki bimaari ab rahi, 

Hai saje saare gali baazar shahar ke magar

Bas Mere kamre ki deewaren kuwaari ab rahi, 

Baat karne aata hai na likhne aata hai hame

Haan ravaani aagyi par bad kalami ab rahi,

-Shafey Malik

Kisi ko na kaise khafa kijiye ga
Ke kis kis se jhuti wafaa kijiyega

Mere saath joh kuch ke karna hai karlo,
Mohabbat ke aur-o-siwa kijiyega

meri iss tabaahii ki khud mai wajah hoon
magar khud se kya hi gilaa  kijiyega

yehi sonchte sonchte raat guzrii
ke kis khaab se ibteda  kijiyega

ke raaton me sota nahi aaj kal mai
mere khaab se faasla  kijiyega

nahi mutmaain dil mera ab talak bhi
mujhe aur thoda tabah  kijiyega

muhaajir parinde hai kya kijiyega,
du mausam watan se judaa kijiyega

wohi hijr darpesh hogi wahan bhi
bhale qaid kar ya rihaa  kijiyega

abhi dekhne aur rang-e-fizaa hai
ke kyu khud ko qaid e wafaa kijiyega

ye khete hue guzri kal maut mujh se
yun mat zindagi ko sazaa  kijiyega

hai zinda ab jis dard hi ke sahaare
ke uss dard ki kyu dawa  kijiyega

nahi hai yahan koii mere jaha.n se
Ke kis se izhaar-e-mudaa kijiyega

yehi aik shikwa jo mann me machalta
ke zar.re ko kaise khuda kijiyega

badhae qadam tum ne raah e junoo.n par
Ke taa umr shikwa gila kijiyega

– shafey malik